Shqipëria bën edhe një punë të mirë për Luginën: Nxënësit do të mësojnë me libra shqip

Nxënësit në Preshevë tani e tutje do të mund të mësojn me tekste shkollore në gjuhën shqipe. Ministrja e Arsimit e Shqipërisë, Besa Shahini,...

Nxënësit në Preshevë tani e tutje do të mund të mësojn me tekste shkollore në gjuhën shqipe.

Ministrja e Arsimit e Shqipërisë, Besa Shahini, ka thënë se shqiptarëve në Serbi do t’u lejohet përdorimi i librave shkollorë nga Shqipëria.

“Kemi filluar gjithashtu edhe financimin e Këshillit Kombëtar Shqiptar në Serbi nga fondi i MASR për tekste shkollore, sepse besojmë fuqishëm që femijët shqiptarë në Serbi meritojnë arsim cilësor në gjuhën shqipe dhe libri shkollor është një hap i domosdoshëm në atë drejtim”, ka thënë Shahini.

Tutje ajo ka thënë se komuniteti shqiptar në Luginë të Preshevës e ka të gjithë mbështetjen e qeverisë shqiptare në çdo aspekt të zhvillimit të tij.